العياري يهاجم الحكومة: تنحو في فلوس التوانسة باش تعطوها لمؤسسات تخلص في كرونيكورات 15 و 20 مليون

الأخبار
Editorial Department8 مايو 2020
العياري يهاجم الحكومة: تنحو في فلوس التوانسة باش تعطوها لمؤسسات تخلص في كرونيكورات 15 و 20 مليون


انتقد نائب الشعب ياسين العياري القرارات التي اتخذتها الحكومة التونسية لفائدة قطاع الإعلام و اعتبرها بمثابة الرشوة حيث قال :

” طالعت حزمة الإجراءات التي قررتها حكومة القوية العادلة، ل”دعم” الصحافة.

على الحيط!

إنك تنحي من فلوس التوانسة، من ضرائبهم، تقص للطبة و الأمنين و البريديين و أعوان النظافة، باش تعطي لشكون؟

لمؤسسات تخلص في كرونيكورات 15 و 20 مليون.
لمؤسسات، ضرائبها موش واضحة
لمؤسسات تخدم في عباد تحت الحيط بلا حقوق
لمؤسسات، جماعتها، طالما كانت ضد “الدعم للزوالي”، أما الدعم ليهم ميسالش
لمؤسسات، بعيدة على الحرفية و المهنية، كان الترذيل و الإشاعات
لمؤسسات تبث سمومها و تقبض أيام الإنتخابات، قيد على مؤسسات خاصة و عندنا خط تحريري.. إي كي مؤسسات خاصة، ماو لاباس تاخذ من “المال العام”؟

تمنيت الإجراءات تهم المؤسسات المصادرة
تمنيت الإجراءات تربط بخلاص الضرائب و تسوية وضعية كل الصحافيين و التقنيين و ضمان حقوقهم
تمنيت الإجراءات و المساعدات تعطى مباشرة للصحافيين و التقنيين و العملة

لكن وقتها تصبح بالحق، قوية و عادلة، لكنها الآن مجرد كاريكاتور : إعطاء ما لا تملك لمن لا يستحق، رشوة تدفعها الحكومة لضمان عمليات تبييض لنفسها من فلوس دافع الضرائب.

لا أملك إلا صوتي! يوم تعرض هذه الإجراءات، هذه الرشوة من فلوسنا، سأصوت بضد! يوم تطرح حكومة شراء الذمم و تلميع صورتها بفلوس ثمة ألف باب أهم و أولى لصرفها، في الميزانية، سأصوت أيضا ضد.

منحة للأطباء، للممرضين، للأمنيين، للعسكريين، للبريديين، لعمال النظافة، كانت أولى، لكن هؤلاء، لا يطبلون!

أكيد هالفكرة العبقرية، هي نتيحة لوبيينغ “مايند شار”، شركة أصحاب رئيس الحكومة المكلفة بالإتصال، دبروا عليه، وكل الفم تستحى العين!

#مبروك_لقد_تبرعت_ل1818_طلعت_تبرعت_لبوغلاب
#مبروك_قصولك_نهارين_باش_يخلصوا_منحة_للطفي_العماري”