Take a fresh look at your lifestyle.

الوضع الوبائي في تونس
الحالات
202٬323
الوفيات
6٬446
مريضة حاليا
44٬663
حرجة
432
الحالات التي شُفيت
151٬214
أخر تحديث بتاريخ 01/28/2021 الساعة 4:58 م

فيديو وصور تفضح معاناة مصاب بكورونا بمستشفى الرقاب، وقريبته تؤكد: "خالي توفي نتيجة الإهمال الطبي وقلة المسؤولية والإهانة"

أظهر فيديو تم تداوله مساء امس الثلاثاء 01 ديسمبر 2020 تعرّض أحد المواطنين أصيلي منطقة الرقاب من سيدي بوزيد الى معاملة لا إنسانية من قبل طاقم طبي يتبع قسم الكوفيد بمستشفى الرقاب، وبين الفيديو معاناة المواطن الذي كان حاملا لأعراض الكورونا ويعاني من قصور كلوي  حيث ترجّل بمفرده دون أي وجه مساعدة رغم عجزه عن الحركة نحو سيارة الإسعاف التي كانت ستقلّه الى المستشفى الجهوي بسيدي بوزيد لكنه سقط أرضا بسبب تدهور وضعيته الصحية.

هذا وقد ندد احد اقاربه بما لحقته من إهانة علما وانّ المريض قد فارق الحياة بعد أيام من الحادثة على اصر تدهور حالته الصحية بمستشفي سيدى بوزيد نتيجة معاناته من كوفيد 19.

في ذات الإطار نشرت إحدى قريبات الفقيد تدوينة على صفحتها الخاصة بموقع الفايسبوك تسرد فيها أطوار ما تعرض إليه خالها من إهمال ولا مبالات كما يلي:

“الشخص الي طاح في الفيديو هذا خالي.. خالي مريض عندو اكثر من عامين عندو قصور كلوي و يصفي في الدم ثلاثة مرات في الاسبوع.. مشى للسبيطار الرقاب نهار 25/11/2020 و خاطر عندو اعراض حطوه في قسم الكوفيد بالرقاب و في الليل قرروا باش يعدوه لسبيطار سيدي بوزيد باش يعمل une séance de dialyse urgente كيما تشوفوا في الفيديو انسان مريض يمشي بالسيف و على فكرة هو شبه ضرير و مينجمش يشوف في الليل و حتى حد ما قربلو باش يشدو و الا يعاونوا و ما خلوا حتى حد من عايلتو يقربلو باش يعاونو يطلع في ambulance و طاااح…. مبعد في الambulance يركبو معاه مرتو في الفيديو هذا تشوفوا قلة الانسانية و قلة المسؤولية في بلادنا…

فضيحة و الله تعدي حالة شبه متأكدين الي هي حاملة للفيروس و تركبو معاه مرافق سليم .. و الي لابسين les tenues الي لازم هوما يعاونوه و يرافقوه ركبوا من قدام و ما خسروش حتى ركبولو الأكسجين كان ما ركبتو مرتو..

هذه العباد الي نأمنوها على رواحنا!!! هكا تكون المعاملة مع انسان مريض!!! علاش ما تعاونوش؟ خاطر عندو كورونا!! خاطر خايف على روحك؟؟ كي انت خايف علاش موجود في البلاصة هذيكا و علاش لابس الtenue هذيكا باش تخلي انسان مريض و ما يشوفش يطيح اكاكا!! حسبي الله و نعم الوكيل فيكم واحد واحد.. وصل خالي لسبيطار سيدي بوزيد و حطوه في قسم الكوفيد.. خالي وصل لحالة حرجة و الماء بدا يغم على الرئتين و لازم يعمل حصة التصفية متاعو.. للاسف غادي هملووووه ما تلهاوش بيه و تهااان..

وصل يكلم في العايلة و يقول راني مطيش ما تلها بيا حد.. محطوط في بيت و مركبين له الاكسجين اكهوووو ما عملولو شي.. نحب الناس الكل تعرف الي خالي ما ماتش بالكورونا.. خالي مات نتيجة اهمال طبي و قلة المسؤولية.. الوجيعة و الحرقة الي نحسوها العايلة الكل كي نشوفوا الفيديو هذا لا توصف.. نشوفوا الاهانة و الاهمال الي تعرضلو خالي..”

 الصور:

129077214 197136291947151 4335643189851594054 n.jpg? nc cat=109&ccb=2& nc sid=ae9488& nc ohc=ayAEncjZ4gsAX9ob2cu& nc ht=scontent.ftun5 1 - فيديو  وصور تفضح معاناة مصاب بكورونا بمستشفى الرقاب، وقريبته تؤكد: "خالي توفي نتيجة الإهمال الطبي وقلة المسؤولية والإهانة"

 129093862 974062329666149 2589730090918632719 n.jpg? nc cat=108&ccb=2& nc sid=ae9488& nc ohc=DznuyPejBVAAX OhXla& nc ht=scontent.ftun5 1 - فيديو  وصور تفضح معاناة مصاب بكورونا بمستشفى الرقاب، وقريبته تؤكد: "خالي توفي نتيجة الإهمال الطبي وقلة المسؤولية والإهانة"
capture - فيديو  وصور تفضح معاناة مصاب بكورونا بمستشفى الرقاب، وقريبته تؤكد: "خالي توفي نتيجة الإهمال الطبي وقلة المسؤولية والإهانة"capture 5fc76af1085d9 - فيديو  وصور تفضح معاناة مصاب بكورونا بمستشفى الرقاب، وقريبته تؤكد: "خالي توفي نتيجة الإهمال الطبي وقلة المسؤولية والإهانة"