مريم بن مامي ترد على سمير الوافي و تكشف حقائق لأول مرة عنه و عن تاريخه

كتبت الكرونيكوز في قناة التاسعة مريم بن مامي تدوينة مطولة قامت بالرد فيها على الإعلامي سمير الوافي و قالت مريم :
” Samir El Wefi
1/ انا عمري ماكنت متع فضايح و الستاتوات متاعي عمرهم ما كانوا يجبدوا لعباد. و كانك تحكي على المستنقع انتي الي تعوم فيه للعنكوش وماكش فايق. خاتر انا ما جبدتكش و انتي تميع في قضية نبيله متع اغتصاب و قتل تحب تردها مشكله متع جهويات بش تخرج انتي بطل.
2/ نحب نفكرك الي انا كنت عندي حوانت صبابت و افتخر بذلك اما يعتيك الصحة الي فكرتني كيفاش كنت تجي تقعد بحذايا بالسوايع و جايب الدوسي لخضر تحت ضبوطك و تلحلح فماش امكانيه تدخل للحوار التونسي الي مبعد كيف تعرفت وليت “مشهور” استعملت اسمك و شهرتك بش ابتزيت و استوليت على اموال لعباد. وهذا اثبته القضاء مش كلام فى الهواء.
3/ تقول الي انا كنت نخدم في حانوت صبابت و نفرض الي انا كنت vendeuse هذا كان اكونلي شرف اني نوصل الي وصلتوا. اما نحسك بكلامك هاذا تحقر في فءة معينه من المجتمع و الفندوز انسان عندو طموح كيف لعباد لكل. اما خسارة خاتر انتي تعرف الي انا عندي maîtrise fel beaux arts. اما ستانسنا بيك ديما wefi في حديثك.
4/ نعلمك الي الكلام الي انا قلتو مش من راسي خاترك ادنت بذلك اما انتي كيف بش تقول حاجه رد بالك و شاور المحامي متاعك مليح الي هذاك اكون دليل مقبول من القضاء ترصيلكش في قضية اخرى متع شتم و ثلب و القضاء سيكون فيصل بيننا.
5/ توا كيف انتي مسمي روحك وحش الشاشة علاش تكلم قي الزملاء بش يتدخلوا ويلموا الموضوع يا وحش.
6/ انا نقولك خسارنك غفاص خاتر ما كان عندي معاك حتى مشكل او كيف شديت الحبس تاثرت برشا و قلت ربي افرج اعليه. اما توا فهمت انك حبيت تركب على الحدث و تحرك اسمك على حسابي و هذاكا اعلاش نجاوب فيك قلت خلي نعاونو شويا.
و كلمة الختام نقلك العبد الي عندو دودة ما انجمش يركح ولهاذا ya3tik Douda”

قد يعجبك ايضا