مصريون يردون على تصريحات السيسي: "مش عايزينك"

جدد رواد مواقع التواصل الاجتماعي، انتقادهم وسخريتهم من تصريحات الرئيس المصري، عبد الفتاح السيسي، لا سيما تلك التي أدلى بها أثناء افتتاحه، اليوم السبت، عدداً من المشاريع في محافظة الإسكندرية، خاصة عبارته التي قال فيها: “لو مش عايزني ما عنديش مشكلة.. مستحيل أقعد من غير إصلاح”، حيث غرد مصريون تحت وسم #مش_عايزينك، حتى قبيل إنهائه كلمته.

فكتب معتز: “‏لو مش عاوزني معنديش مشكلة.. أنا كده كده قاعد شئتوا أم ابيتوا ‎#السيسى”.

‏وعن حديث السيسي عن مخالفات البناء: “حجم الناتج من التصالح في مخالفات البناء لم يتجاوز الـ10%”، تساءل شريف عزت: ‏”بجد مش فاهم الجملة دي حتى بعد ما قريت التفاصيل، يعني إيه “حجم الناتج” ؟ و 10% من إيه؟ فلوس يعني؟”.

وعلّقت شمس: “‏‎#السيسى مقتنع إن إنجازات وتقدم مصر بيعتمد على ترصيف الطرق والأسفلت!!، ماسمعش عن الإنتاج والصناعة، أو وجود منظومة صحية سليمة لعلاج الشعب، أو يهتم بالتعليم أو يحل مشكلة البطالة ويرفع دخل المواطن الغلبان، مايعرفش غير يبني قصور لنفسة وسجون للشعب!!‎”.

‏وذكر السيسي أن: “التعدي على الأراضي الزراعية بنفس خطورة أزمة سد النهضة”. فسألته لما: ‏”طب حليت أزمة سد النهضه الأول؟، ولا هى سفسطة على الفاضي”.

كما خاطبته زهرة: ‏”ولما هو خطير زي سد النهضة، لماذا لم يتم تدميره زي ما دمرت المباني و المساجد يا بلحه اللي انت بتدعي انها بنيت على اراضي الدولة ؟؟!”.

‏ووجّه السيسي حديثه للشعب: “قبل ما تطلب مني خدمة وأحافظ عليها.. نفذ اللي احنا بنقول عليه”، فكتبت أم علي: “‏أكتر من كده؟، ده إحنا لو عبيد كان طلعنا صوت، ده مافيش نفس بيطلع”.

وبرر السيسي كثرة القروض بأنها من أجل إقامة المشروعات: “يانبني بلد يانتوقف (عن أخذ القروض)”، فوصف محمد رمضان ذلك بـ ‏”حديث اللصوص في سرقة البلاد”.

وهاجم السيسي ما أسماه بـ “القنوات المسيئة” قائلاً: “كنا بنتعاير بفقرنا ويقولك شوف خيبتهم عاملة إزاي”، فعلق عبدالحليم مذكراً إياه: “‏آه، وكان بأمارة بيقول “محدش قالك إنك فقير اوي”!!”.

إقرأ أيضا

‏وعن تعليم الطلاب بالخارج قال: “فيه طلبة بتدرس فى جامعات بالخارج تكلفتها 35 ألف دولار سنويا”، فسخر سليل بن قطب: ‏”وسع، فيه إيه تاني ما أخدناش منه فلوس؟. وإيه علاقه الطلبه في مصر ببتوع بره مصر؟، #مش_عايزينك”. 

قد يعجبك ايضا