المدونة آمنة الشرقي تغادر تونس نحو ألمانيا وتنشر ما يلي

أعلنت المدونة آمنة الشرفي عن مغادرتها تونس نحو ألمانيا و أضافت الشرقي في تدوينة عبر حسابها على موقع الفايسبوك نشرتها اليوم السبت أنها سافرت الى “بلدان تحترمها وتحترم المواطن وحرية التعبير والضمير” وأنّ تونس من خسرتها وليست هي من خسرت تونس..

وقالت الشرقي في تدوينتها ما يلي:
إقرأ أيضا
 
ناس تخممها ”كان قعدت في تونس و شديت الحبس هكاكا نخرج بطلة خير ماللي’ نهرب’ .
انا كيفاه نخممها ؟ :
ماحاشتيش بش نكون بطلة في عينيكم . انا اذكى من اني نكون كبش فداء للعقلية المتخلفة متاعهم . منمسخش روحي بالحبس بش نخرج بطلة … انا اللي عليا عملتو .. نشرت سورة الكورونا فيبالي انا في دولة تحترم القانون و حرية التعبير و الضمير ياخي طلعت غالطة مزلنا فالدكتاتورية . و مخفتش و صارحت بفعلي و قلت قدام النيابة و القاضية انني ملحدة خاتر مانيش حاشمة بروحي . و دافعت على قضيتي خاتر تنجم تصير على غيري و داجا هاي صايرة ….
و طلبت مطالب للدولة كمواطنة تونسية … كي لقيت الدولة معطاتنيش اهمية .. و محماتنيش بالرغم شكيت و خسرت تعبي و فلوسي .. و نفسهم اللي شكيت بيهم مزالو للتوا ايهدو .. و اللي لبلاد هاذي حكمت عليا بستة اشهرة حبس و غرامة … نجي نخممها نقول : انا الرخيسة كان نعطي فرنك لدولة ترخص فيا و تظلم فيا . انا الرخيصة كان نسلم روحي للسجن بش نخلص حاجة مظلومة فيها ..
اللي يعفص عليا منسلملوش روحي ….
هاني خرجت لل البلدان اللي تحترم المواطن ، حرية التعبير ، الضمير ، و تحترمني انا ، قاعدة ليها انا تونس !!!
يزيو من عقلية تشد لحبس تولي مناضل و بطل … فما ضروف و كل واحد و كيفاه ، و لازم واحد اكون اقوى و ميرخصش روحو مع دولة متحترموش …
انا توا ساواصل حياتي بطريقة افضل ، و امارس حقي فالنشر و التعبير و النقد و السخرية و التفاهة و الجدية و اللي نحب انا … و نبدا مرتاحة و متهنية اللي البلاد اللي فيها متبعثليش بوليسية على ستاتو فايسبوك ..
#catch_me_if_u_can
#لا_ربي_لا_سيدي_لا_تونس
و تونس هي اللي خسرتني مش انا اللي خسرتها”
قد يعجبك ايضا